Gizartea -
Istripua mendian
Gipuzkoako mendizale bat larri zauritu da Aragoiko Pirinioetan
57 urteko eibartarra erori egin da, eta larri dago.
Erredakzioa
Gipuzkoako mendizale bat larri zauritu da asteazken honetan Aragoiko Pirinioetan. Balaitous tontorrean izan da ezbeharra, Sallent de Gallego udalerrian (Huesca). Mendizalea erori egin da, eta erreskatatu behar izan dute, zauri larriak baitzituen.
57 urteko Eibarko bizilaguna da, eta traumatismoa du garezurrean. Halaber, kontusioak ditu bizkarraldean eta toraxean.
Haize bolada handiek zaildu egin dute erreskatea, eta Guardia Zibilaren eta helikoptero baten laguntza behar izan dute.
Mendizalea ospitalera eraman dute.
Hau zure interesekoa bada, baliteke beste gai hauek ere izatea