Gizartea -
Erasoa Elgoibarren
Elgoibarko Udalak familiari elkartasuna adierazi dio
Zurrumurruekin kontuz ibiltzeko eskatu du, eta "kasu horietarako dauden protokoloak dagoeneko abian jarri dira", esan du.
Erredakzioa
Elgoibarko Udalak elkartasuna adierazi die larunbat gauean bortxatu omen zuten neska adingabeari eta horren familiari, eta "kasu horietarako dauden protokoloak dagoeneko abian jarri dira", esan du.
Bestalde, "herrian zabaldu diren zurrumurruei jaramonik egin ez diezaietela" eskatu du, "eta gertakariei buruzko bertsio ofiziala izan arte itxaron dezatela", nabarmendu du.
Gainera, Udalak "sare sozialak zentzuz erabiltzeko" eskatu du, "pertsonei kontrolik gabeko kalte konponezinak sor diezazkiekete eta".
Azkenik, mota honetako erasoen aurkako protesta ekitaldiekin bat egiteko eskatu du, eta, 20:00etan, Kalegoien plazan egin den elkarretaratzean parte hartzeko deia egin du.