Gizartea -
Udal-gobernua PPren esku dago
Garoñaren luzapenaren kontrako errekurtsoa aurkeztuko du Gasteizek
Udalbatzak deklarazio instituzionala onartu du ostiral honetan, ordezkaritza duten talde politiko guztien babesarekin (PP, EAJ, PSE-EE eta Bildu).
Erredakzioa
Gasteizko Udalak Garoñako zentral nuklearraren jardueraren kontrako errekurtsoa aurkeztuko du Gasteizko Udalak (agintea PPrena da) Industria, Energia eta Turismo Ministerioak jarduera 2019ko uztailaren 5a arte luzatzea erabaki zuela ikusita.
Udalbatzak ostiralean onartu du errekurtsoaren aldeko adierazpen instituzionala, ordezkaritza duten talde politiko guztien babesarekin (PP, EAJ, PSE-EE eta Bildu).
Idatzian, Garoñako zentrala "Espaniako Estatuko zaharrena" dela azpimarratzen du udalak, 1971ko martxoaren 2an martxan jarri eta 40 urterako eraiki zutelako. Denbora-epea iazko martxoan bete zen.
Halaber, "hutsak behin eta berriz" daudela eta horrek "segurtasun arazo larriak" daudela esan nahi duela diote, "arrailen arazoaz gain".
Aukerako berraztertze-errekurtsoa
Ondorioz, Gasteizko Udalak aukerako berraztertze-errekurtsoa aurkeztuko du Industria, Energia eta Turismo Ministerioak hartutako erabakiaren kontra; hau da, zentralaren jarduera 2019a arte luzatzea.
Adostutako testua EAJk, PSE-EEk eta Bilduk proposatu zuten premiazko bilkura batean eztabaidatzeko, baina azkenean, adierazpen instituzionala bihurtu dute, PPren babesarekin.