Emakume bat atxilotu dute Barakaldon bi seme-alabak hiltzen saiatu delakoan

Ertzaintzak eta Barakaldoko Udaltzaingoak emakume bat atxilotu dut gaur goizean Barakaldon, adin txikiko bi seme-alabak hiltzen saiatu delakoan. Antza, emakumea bere buruaz beste egiten saiatu da gero baina konortea galdu aurretik, emakumeak berak bere bikotekide ohi eta haurren aitari deitu dio gertatzen ari zenaz ohartarazteko. 

Deiari esker, Polizia etxebizitzan sartu ahal izan da eta ama eta bi semeak Bizkaiko erietxe batera eraman ahal izan dituzte, Segurtasun Sailak berri eman duenez. 

Ama nahiz 10 urteko bi haurak egonkortuta daude dagoeneko. Emakumea atxilotuta du Ertzaintzak eta gertaeren zergatiak ikertzen ari da.