Gizartea -
Iñigo Cabacasen heriotza
LABek eta ELAk Aresen dimisioa eskatu dute
Aralarrek ardura "politiko zuzenak" exijitu ditu. EBk eta UPyDk, bere aldetik, gertatutakoa ikertzea eta "ardurak argitzea" exijitu dute.
Erredakzioa
ELAk Ertzaintzan duen ordezkaritzak ere uste du arduradun politikoek dimisioa eman beharra dutela, eta egiten ez badute, kargutik kendu beharra daudela, Ertzaintzaren jokabide "larriarengatik" hil baitzen Cabacas, sindikatuaren arabera.
Aralarrek ardura "politiko zuzenak" exijitu ditu, "behin autopsia eginda eta Iñigo Cabacas gomazko pilota batek eragindako zaurien ondorioz hil zela egiaztatuta".
Ezker Batua Berdeak alderdiak atsekabea agertu du Iñigo Cabacasen heriotzagatik eta "berehala ikerketa irekitzea" eskatu du.
Union Progreso y Democraciak, bere aldetik, ikerketa "amaiera arte" eramatearen eta "ardurak argitzea"ren aldeko apustua egin du.