Munilla: 'Abortua suizidio demografikoa da'

"Abortua emakumearen moralaren suizidio demografikoa eta psikologikoa da", Jose Ignacio Munilla Donostiako gotzainaren ustez.

"Atez nahastu al zen?" izeneko hausnarketa bat egin du Donostiako gotzainak joan den urtarrilaren 29an behartsu batek jaioberri bat Donostiako eliza batean aurkitu ostean.

Testuinguru horretan, "eliza horretatik metro gutxira abortuak egiteko klinika bat dagoela" ohartarazi du Munillak eta bertan "dentistaren iragarkia izango balitz bezala, abortuaren publizitatea egiten da".

"Paradoxikoa da; emakume horrek beste ate hura aukeratu izan balu, jaioberriaren albistea ez zen albiste izango, emakumea ez zuen atxilotuko eta ez zion 18 hilabeteko espetxe zigorrari aurre egin beharko".

"Mundua jota al dago?", galdetu du Munillak, eta poztu egin da oraingoan bizitza heriotzari gailendu zaiolako; ondorioz, "jaioberria asko maiteko duten guraso batzuk hartu eta haziko dute", gaineratu du.

"Nola liteke gure arteko askok adopzioa nahi izatea eta, aldi berean, milaka eta milaka errugabe hiltzea?, adierazi du testuan.

"Emakumeak burujabe izateko abortua aldarrikatzen duen feminismoa errealitatetik at bizi da", Munillaren ustez, eta "abortuaren biktimak izan daitezkeen umeak erreskatatzeko" Donostian talde bat dagoela jakinarazi du.

Hala ere gotzainak ohartarazi du abortua ez dela "isolatutako gaitz bat, gaixo dagoen gizarte baten ezaugarria baizik".