Gizartea -
Sariak
EHGAM mugimenduak 'Pikara Magazine' elkarteari eman dio Urrezko Hirukia saria
EHGAMek argitalpen hau saritu du feminismo kritikotik askatasun afektibo-sexualen eta genero-autodeterminazioaren alde egiten duen kazetaritzagatik.
N. B. | EITB MEDIA
Euskal Herriko Gay-Les Askapen Mugimenduak (EHGAM) Pikara Magazine aldizkariari eman dio Urrezko Hirukia saria kazetaritzan egindako lanagatik, feminismo kritiko batek askatasun afektibo-sexualen eta genero-autodeterminazioaren alde egiten baitu.
EHGAMek urtero ematen du Urrezko Hirukia, aniztasunaren alde lan egiten duten elkarteak edo pertsonak saritzeko asmoz.
Bestalde, Trapuzko Espartina Carmen Calvo Espainiako Gobernuko presidenteordearentzat izan da, "LGTB eta Trans legeen tramitazioa oztopatzeagatik".
Euskadiko gay, lesbiana, bisexual, transexual eta intersexualen Gehitu Elkarteak Latorrizko Gehitu Saria eman zion maiatzaren 17an Carmen Calvori, "Trans Legea"ren aurka agertzeagatik.
