Gizartea -
Gertakaria
Enpresari baten gorpua aurkitu dute Castro Urdialeseko itsaslabarretan
Astearte goizean autoan zihoala Saltacaballos itsaslabarretik behera erori zen eta gaur aurkitu dute gorpua suhiltzaileek.
Erredakzioa
Bizkaian enpresa bat duen 84 urteko gizonezko baten hilotza aurkitu dute gaur goizaldean Castro Urdialeseko (Kantabria) Saltacaballos itsaslabarrean, atzo autoan zihoala handik behera erori ondoren, DYAko iturriek jakitera eman dutenez.
Aipatu iturrien arabera, enpresariaren gorpua autotik atera zen istripua izan zuenean eta 200 metro inguru dituen itsaslabarretik behera erori zen.
Castro Urdialeseko suhiltzaileen erreskate-bertikaleko taldeak aurkitu du gorpua.
Dirudienez, 84 urteko gizonezkoa egunero pasatzen zen handik Bizkaian zuen enpresa familiarrera joateko.