Gizartea -
'Araba sin Garoña' elkartea
Garoñako zentralaren itxiera bultzatzeko eskatu diote Aldundiari
"Araba sin Garoña" taldeak deitutako manifestazioan bildutako 200 lagun inguruk Burgoseko zentral nuklearraren berehalako itxiera bultzatzeko eskatu diote Arabako Aldundiari.
Erredakzioa
Santa Maria de Garoñaren (Burgos) zentral nuklearraren itxieraren aldarrikapenaren buru izateko eskatu dio larunbat honetan "Araba sin Garoña" taldeak Arabako Foru Aldundiari. Horrela, 200 lagun inguru bildu dira Probintziaren Enparantzan eta isilpeko elkarretaratze bat egin dute, "Herriaren hitza errespetatu. Garoña itxi orain" lelopean.
Hilaren hasieran Garoñako zentralaren bizitza 2013tik aurrera luzatzeko aukeraren gainean txosten bat eskatu zion Industria, Energia eta Turismo Ministerioak Segurtasun Nuklearreko Batzordeari. Izan ere, Garoña 2013an itxiko zutela iragarri zuen aurreko Gobernuak, zentral nuklearra 2019ra arte irekita mantentzeko proposamena aurkeztuta ere.
Alberto Frias "Araba sin Garoña" taldeko bozeramaileak azaldu duenez, elkarretaratzea Aldundiaren aurrean egitea erabaki dute "Arabako erakunde adierazgarriena delako". Honen esanetan, Aldundia itxiera eskaeraren buru bihurtu behar da, "Arabako biztanleriaren gehiengo baten borondatea defendatzeko".
