Gizartea -
Arrastorik ez
Bertan behera utzi dute momentuz Kordobako haurren bilaketa
Halaber, agenteek aitaren aldeko aitonek Las Quemadillasen duten etxean egindako miaketa amaitu dute eta joan egin dira.
Erredakzioa
Polizia Nazionaleko agenteek bertan behera utzi dute momentuz 2 eta 6 urteko bi haurren bilaketa, Guadalquivir ibaiaren inguruan. Kordobako parke batean desagertu ziren aurreko larunbatean eta ez dute haurren arrastorik aurkitu oraindik.
Bilaketa-taldean Urpeko Ekintzetarako Talde Bereziko (Geas) kideak hartu dute parte, eta goizaldean txakurrak izan dira hiriko hainbat tokitan. Baina ez dute aurkitu pistarik haurrak non dauden jakiteko.
Halaber, agenteek aitaren aldeko aitonek Las Quemadillasen duten etxean egindako miaketa amitu dute eta joan egin dira. Polizia Zientifikoaren ikerketa bertan egin dute.
Kordobako Gobernuko ordezkariordeak, Jesus Maria Ruizek, azpimarratu duenez, ikerketarekin "errespetua" izan behar da eta haurren bilaketan adituek "lan egin dezaten utzi".
