Donostialdeko jatetxeetan lapurretak egiten jarraitzen dute

Azken egunetan lapurreta ugari ari dira gertatzen Gipuzkoako jatetxeetan. Arzaken izan zen lehen lapurreta eta oraingoz azkena Petritegin. Bart sartu ziren bi pertsona sagadotegian baina alarmak jo zuen eta ez zuten ezer eraman. Lapurrek aparkalekuko segurtasun kamerak makil batekin mugitu zituzten zerura begira jartzeko. Bulegoko atea puskatu eta barrura sartu ziren, kamera batek grabatzen zituen bitartean. 30-40 urte bitarteko bi gizon ziren. Alarma kaxa puskatu eta kajoi eta armairuak irekitzen hasi ziren palanka baten laguntzaz. Diru kutxa ere aurkitu zuten baina alarmak jo zuen, eta korrika alde egin behar izan zuten. Ertzaintzaren ustetan jatetxeetan lapurreta egiten espezializatuta dagoen talde bat egon daiteke Gipuzkoan lanean. Bost jatetxeetan sartu dira dagoeneko 15 egunetan. Oraindik ez dakite Petritegin sartu diren lapurrak Arzak, Akelarre eta Saltxipin sartu diren berdinak diren.