23 urteko bi gazte hil dira Bedian, auto-istripuan

23 urteko bi gazte hil eta hiru zauritu dira Bedian gertatutako auto istripuan, Herrizaingo Sailak jakinarazi duenez. Ibilgailua errepidetik irten da eta geldirik zegoen kamioi baten kontra talka egin du. Dirudienez, gazteak diskoteka batetik irten eta etxerantz zihoazen.

Zortziak laurden gutxitan izan da istripua. Ibilgailua bidetik atera da eta geldituta zegoen kamioi baten aurka jo du. Oraindik ez dakite istripuaren nondik norakoak.

5 gazte zihoazen kotxean. Atzean zihozen 23 urteko bi gazte hil dira. Laudio eta Trapagaranekoak ziren. Beste hirurak zaurituta daude. Gidaria 31 urtekoa larri eraman dute helikopteroz Gurutzetako ospitalera. Beste biak 18 eta 19 urteko gazteak zauri arinekin Galdakako ospitalera eraman dituzte.

Dirudienez gau osoan Lemoako diskoteka batean egon eta gero autoa hartu dute.

N-240 errepidea moztua egon da, garbiketa lanak bukatu arte.