Gizartea -
Arena hondartza inguruan
Gizon bat itota topatu dute abran, eta orain beste baten bila ari dira
Goizaldean bandera marokoarra zuen itsasontzi batetik uretara salto egin dute hiru lagunek; horietako bat hilda aurkitu dute, beste bat onik eta hirugarrenaren bila ari dira erreskate taldeak.
Erredakzioa
Itsas Salbamenduko kideak, Guardia Zibila, Ertzaintza eta Gurutze gorria goizaldean Muskiz eta Zierbena arteko uretan desagertu den lagun baten bila ari dira.
Antza, goizaldean aingura botata zegoen itsasontzi batetik uretara bota dira hiru lagun, horietako bat hilda aurkitu dute, beste bat onik eta hirugarrenaren bila ari dira erreskate taldeetako kideak.
Gurutze Gorritik esan dutenez, goizaldeko 04:00ak aldera abisua jaso dute itsasontzi batetik uretara hiru lagun bota direla esanez. Hortik aurrera, Itsas Salbamenduko kideak, Guardia Zibila, Ertzaintza eta Gurutze Gorria lanean ari dira itsasoan desagertuta jarraitzen duen gizonezkoaren bila.