Gizartea -
Gertaera Gernikan
Bikote bat atxilotu dute Gernikan haur bat bahitzen saiatzeagatik
Haurra parkean jolasean ari zela aprobetxatu zuen bikoteak, eskutik eutsi eta eramaten saiatzeko; amak eragotzi egin zuen. Gaur goizean pasa dira epailearen aurretik.
Erredakzioa
Bikote bat atxilotu zuten atzo Gernikan bi urteko haur bat bahitzen saiatzeagatik. Eusko Jaurlaritzako Herrizaingo Sailak esan duenez, atxilotuak gaur goizean pasa dira epailearen aurretik.
Ustezko bahiketa saiakera atzo arratsaldeko 20:15ean gertatu zen Beko Ibarra gunean. Bikoteak haurra jolasten ari zela aprobetxatu zuen eskutik eutsi eta eramaten saiatzeko. Edozein kasutan, adingabearen ama adi zegoen eta eragotzi egin zuen bere umea eramatea.
Egoeraren aurrean, han inguruan paseoan zebiltzan bi udaltzainei gertatutakoaren berri eman zien eta hauek bikote susmagarria atxilotu eta Ertzaintzaren esku utzi zuten. Ertzain-etxean deklaratu ondoren, gaur goizean epailearen aurretik pasa dira haur bat bahitzen saiatzea egotzita.