Getxon adineko emakume bati eraso egin zion laugarren pertsona atxilotu dute

Ertzaintzak atxilotu egin du aurreko martxoaren 21ean Getxon adineko emakume bati indarrez lapurretan egin zion laugarren pertsona. 78 urteko emakumea zauritu egin zuten poltsa kentzeko tira egin ziotenean.

Biktimak aldaka puskatu zuen lurrera bota zutenean, eta ebakuntza egin zioten ospitalean. Atzo bi adingabe (Zumarragako adingabeen zentrotik ihes egin zutenak) eta heldu bat atxilotiu zituzten gertakari berarekin lotuta.

Gaur atxilotuak 18 urte ditu, eta aurrekariak zituen. Gaur bertan sartu dute kartzelan epailearen aurretik igaro ostean.

Gainerakoak atzo atxilotu zituzten, eta 16 eta 17 urtekoak adingabeen zentrora eta 18 urtekoa espetxera bidali zituen epaileak.