Gizartea -
Trafikoa
Artaxoako gizon bat hil da auto-istripuz Erriberrin
Bi autok talka egin dute aurrez aurre, eta ezbeharraren ondorioz beste bi pertsona arin zauritu dira, iruindar bat eta mutiloar bat.
EITB.EUS
Artaxoako 47 urteko gizon bat hil da igande honetan auto-istripuz N-121 errepidean, Olite inguruan, EiTBk jakin ahal izan duenez.
Istripua 20:19an gertatu da.
Bi autok talka egin dute aurrez aurre, eta ezbeharraren ondorioz auto baten gidaria hil eta beste autoko bi bidaiariak arin zauritu dira, 23 urteko gizon iruindar bat, eta 21 urteko emakume mutiloarra.
Foruzaingoak jakinarazi duenez, antza denez, gidari iruindarrak kontrako erreia inbaditu du. Dena dela, ikerketa abiatu dute gertaturikoaren nondik norakoak argitzeko.