Gizartea -
Indarkeria matxista
Gizon bat atxilotu dute Bilbon, emakume gazte bati sexu-erasoa egitea egotzita
Biktima Basurtuko Ospitalera eraman behar izan zuten, auzitegiko medikuak artatzeko. 18 urteko atxilotua epailearen esku jarri dute.
Agentziak | Erredakzioa
18 urteko gizon bat atxilotu dute Bilbon, Bizkaiko hiriburuko etxebizitza batean emakume gazte bati sexu-erasoa egitea leporatuta.
Gertakariak igande arratsaldean jazo ziren. Atxiloketaren berri eman zion Bilboko Udaltzaingoak Ertzaintzari. Sexu-erasoa egotzi diote atxilotuari.
Biktima, emakume gazte bat, Basurtuko Ospitalera eraman behar izan zuten, auzitegiko medikuak artatzeko, Eusko Jaurlaritzako Segurtasun Sailak agiri batean jakitera eman duenez.
Ertzaintzaren arabera, gazteak elkarrekin joan ziren atxilotuaren etxera, eta gizonak ustez behartu egin zuen bertan.
Duela hilabete batzuk ezagutu zuten elkar, baina bien arteko harremanik ez zegoen.
Ikerketako ertzainek etxea miatu zuten. Gaur arratsaldean atxilotua epailearen esku utzi dute, ikerbidea abiatu ondoren.