Gizartea -
Azpeitian
Emakume baten gorpua aurkitu dute Ibaiderreko urtegian
Emakumeak tiro bat behintzat ba omen zuen, Euskadi Irratiak jakinarazi duenez. Suhiltzaileek gorpua erreskatatu dute, eta Donostiako mediku forenseen institutura eraman dute.
Erredakzioa
Emakume baten gorpua aurkitu dute uraren gainean Ibaiederreko urtegian, Ertzaintzak jakinarazi duenez. Gizon batek gorpu bat ikusi du 17:15ean Ibaiderreko urtegian eta larrialdietarako zerbitzuei deitu die. Suhiltzaileek gorpua erreskatatu dute, eta Donostiako mediku forenseen institutura eraman dute.
Euskadi Irratiak zabaldu diren lehen datuetan oinarrituta jakitera eman duenez, Ertzaintzak pistola bat eta plastikozko poltsa bat, barruan arroparekin, ere aurkitu zituen inguruan.
Paseoan zebiltzan bi emakumek odol arrastoak ikusi zituzten. Etxera joan eta etxekoiei esan zieten, ondoren berriro joan ziren urtegira eta orduan aurkitu zuten emakumearen gorpua. Burua baino ez zuen agerian eta, aipatu iturrien arabera, tiro bat behintzat bazuen.
