Gizon bat atxilotu dute Deba ibaiko gizonaren hilketagatik

Ertzaintzak gizon bat atxilotu du gaur Deba ibaian, Bergara parean, hilda aurkitu zuten gizonezkoaren ikerketaren harira.

Iragan larunbatean Deba ibaian, Bergara parean, hilda aurkitu zuten gizonezkoa labankadaz hil zutela adierazi du gaur Ertzaintzak.

Hildakoa 46 urteko gizonezko bat da. Gorpua Bergarako Udaltzaingoak aurkitu zuen, larunbatean, 13:00etan, eta Ertzaintzari deitu zion.

Autopsiaren arabera, labankadaz hil zuten.

Ertzaintzak zabaldu duenez, inork ez du gizon horren desagerpena salatu.