Gizartea -
Istripua
Pertsona bat larri zauritu da Laudion, zirkulazio istripu batean
Trailer batek eta motozikleta batek talka egin dute, oraindik nola ez dakitela.
Erredakzioa
Istripua arratsaldeko ordu biak eta hamar jota izan da Laudion, A-2522 errepidean, Aretako ordainlekurako noranzkoan.
Alemaniako matrikula zeukan MAN trailer batek eta Kawasaki 500 motozikleta batek talka egin dute, oraindik ikertzen ari diren arrazoiak tarteko.
Istripuaren ondorioz, motozikletaren gidariak, Laudioko 39 urteko gizonezko batek, zauri larriak izan ditu eta Osakidetzako anbulantzia medikalizatu batean eraman dute Galdakaoko ospitalera.
Hau zure interesekoa bada, baliteke beste gai hauek ere izatea