Gizartea -
Polemikaren ostean
John Gallianok barkamena eskatu du bere jokabideagatik
Gibraltarreko diseinatzailearen ustez "arrazakeria eta jokabide antisemitak ezin dira onartu gure gizartean", eta barkamena eskatu du, "argi eta garbi", "norbait iraindu badu".
Erredakzioa
John Galliano diseinaitzaile britainiarrak barkamena eskatu du ustez egindako adierazpen antisemitengatik. Galliano Hitler maite duela esaten erakusten duen bideo bat zabaldu da azken egunotan.
Gallianoren abokatuek Londresetik bidalitako agiri batean azaldu dutenez, Gibraltarreko diseinatzailearen ustez "arrazakeria eta jokabide antisemitak ezin dira onartu gure gizartean", eta barkamena eskatu du, "argi eta garbi", "norbait iraindu badu".
Christian Dior moda enpresak Galliano kaleratu du, jostunak, mozkortuta, taberna batean irain antisemitak bota zituelakoan eta bikote bati erasotzen saiatu zelakoan.
