Gizartea -
Donostian
Ustez koinatua tiroz hil zuen gizonezkoaren kontrako epaiketa hasi da
Fiskaltzak 22 urteko kartzela zigorra eskatuko du, gaurtik aurrera epaituko duten gizonezkoak bere koinatua eskopeta batez tirokatu zuelakoan. Bi hilabeteko behin-behineko espetxeratzea bete zuen.
Erredakzioa
Gaur, astelehena, ustez 2003an koinatua tiroz hil zuen gizonezkoaren kontrako epaiketa hasi da Donostiako Instrukzioko 3. Epaitegian. Fiskaltzak azpikeriaz hiltzeko delitua egitea eta armak baimenik gabe izatea egotzi dio eta, ondorioz, 22 urteko kartzelaldia eskatuko du.
Fiskaltzaren dokumentuen arabera, 2003. urtean koinatua, haren emaztea eta sei urteko semea zeramatzan furgonetaren aurka tiro egin zuen akusatuak. Tiroak koinatua jo zuen, buruan, eta bertan hil zen.
Ondoren, gizonezkoak seme adingabea hartu eta bost urtez ihes egin zuen, 2008an Iruñean, Polizia Nazionalaren polizia etxe batean, bere burua aurkeztu zuen arte. Atxilotu egin zuten eta bi hilabete egin zituen behin-behinekoz espetxeratuta.
Fiskaltzak azaldu duenez, ustezko hiltzailea hildakoaren arrebarekin ezkonduta zegoen, baina "banatzeko bidean" zeuden. Bere izenean eta bere seme adingabeen izenean dagozkion erantzukizun zibil eta penalak eskatzeari uko egin dio alargunak.