Pablo Ibarren epaiketa urriaren 1ean hasiko da

Pablo Ibarren aurkako epaiketa urriaren 1ean hasiko da, epaileak atzeratzeko erabakia berriz aztertu ostean, Pablo Ibarren heriotza-zigorraren aurkako elkarteak ostiral honetan jakitera eman duenez.

Floridan 1994an egin ziren hiru hilketa egotzita egin behar zen epaiketa berria atzeratu egin zen; aste honetan hasi behar zuen, epaileak bista 2019ko otsailera atzeratzea erabaki zuen gero, baina atzo azken orduan magistratu berak berriz aztertu zuen erabakia, eta, horren azken erabakiaren ondorioz, urriaren 1ean hasiko da.

Epaiketa berria Ibarren aurkako hirugarrena izango da; 2000. urtean, heriotza-zigorra ezarri zioten, hilketa haiek egotzita. Halere, zigor hori bertan behera utzi zuen sei urte geroago Floridako Auzitegi Gorenak.

Atzerapena berriz aztertu duen epaian, Ibarren defentsak epaiketa azkarra egiteko egin duen eskaera bertan behera uztea ezeztatu egin du Baily epaileak, eta epaiketa berria egiteko data jarri du: 2018ko urriaren 1a.

Epaimahai horretako kideek ez dute juramentua egingo aldeak guztiz prestatuta egon arte hasierako deklarazioetarako; beranduenez, baina, 2019ko urtarrilera arte atzeratu dezakete.