Valentziako jatetxe batek bezeroei erretzen uzten die

Valentziako jatetxe batek tabakoaren aurkako legearen kontra dagoela erakutsi du eta atzotik kartel bat ezarri du, horren bitartez, bezeroei erretzeko baimena ematen die; 24 orduren buruan, urtarrilaren 2tik galdu zuen bezeriaren % 60tik zati bat berreskuratu ahal izan du.

Rodrigo Arroyo Rodrigo taberna-jatetxeko jabeak adierazi duenez tabakoaren aurkako legea "ez da aproposa gaur egun bizi dugun krisi ekonomikoan" eta beste jabe batzuei gauza bera egitera animatu die. Gobernuak tabakoaren aurkako legea martxan jartzeko bi urte itxaron beharko zituela ziurtatu du, horrela krisia igaro ostean jarri zezan.

Valentziako Rodrigo jatetxea ez da tabakoaren aurkako legearen kontra egin duen bakarra, gutxienez beste biek, bat Castellonen eta besteak Malagan, ere hala egin baitute.

Rodrigok gogorarazi duenez, duela bi urte 35.000 euro bideratu zituen lokalean berrikuntza bat egitera erretzaileei zuzendutako gune bat sortzeko.