Gizartea -
Indarkeria matxista
Emakume bat hilda topatu dute Asparrenan (Araba), indarkeria zantzuekin
Baliteke biktima desagertuta zegoen alemaniar bat izatea. Zerbitzugune baten alboan aurkitu dute gorpua.
AGENTZIAK | ERREDAKZIOA
Emakumezko bat hilda topatu dute arratsaldean Asparrenan (Araba). Gorpuak indarkeria zantzuak ditu.
Eusko Jaurlaritzako Segurtasun Sailetik azaldu dutenez, gorpua 15:20an aurkitu dute, A-1 autobidearen alboan dagoen zerbitzugunetik hurbil.
Antza denez, biktima desagertuta zegoen emakume alemaniar bat da. Alemaniako Poliziak asteon eman du desagertuta dagoen emakume bat bilatzeko agindua.
Gertatutakoa ikertzen ari dira eta epaileak auzia sekretupean jarri du.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
