Gizartea -
Nafarroan
Gizon bat atxilotu dute Los Arcosen bi erromesi sexu-abusuak egiteagatik
79 urte ditu gizonak, eta ukituak egin dizkie Donejakue Bidea egiten ari ziren bi emakumeri.
Agentziak | Erredakzioa
79 urteko gizon bat atxilotu dute Los Arcosen (Nafarroa) Donejakue Bideko bi erromes atzerritarri sexu-abusuak egitea egotzita.
Foruzainek agiri batean jakinarazi dutenez, gizonak ostatua eskaini zien erromesei, baina interneteko sarbiderik ez zuenez ostatuari uko egin zioten.
Agurtzean, gizonak ukituak egin zizkien; hori dela eta, erromesek herriko aterpera joan ostean, salaketa jarri zuten Donejakue Bideko zaintza lanetan ari diren foruzainen aurrean.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan
