Munduko gizonik adintsuena hil da, 113 urte zituela

Francisco Nuñez Olivera munduko gizonik adintsuena hil da bart gauean, 113 urte zituela, Bienvenidan (Badajoz).

Hileta-elizkizuna gaur egingo dute, Bienvenidako ermitan, Udalak Facebooken zabaldu eta Europa Press albiste agentziak jakinarazi duenez.

"Heldu da nahi ez genuen eguna: 113 urterekin hil da. Bienvenidan hil da, gure herrian, jaio zen herrian. Bere senideen maitasunarekin eta bere herritarren mirespenarekin hil da", dio sare sozialean zabaldutako mezua.