'Demiku' atunontzi bermeotarrak eraso pirata bat tiroka saihestu du

Pirata somaliar talde batek Bermeoko Demiku atunontziari eraso egin zion atzo Seychelleseko uretan; Mahe artxipelagoko hiriburutik 170 miliatara eta Somaliako kostatik 600 milia baino gehiagora gertatu zen.

Demikukoek jakinarazi dutenez, bi itsasontzi begiztatu zituzten eta horietako bat ustez eraso egiteko asmoz hurreratu zitzaien.

Orduan, itsasontzian doazen segurtasun pribatuko agenteek "tiro egin" eta piratek alde egin zuten. "Guztira ordu laurden izan zen, gehienez hogei minutu. Orain ondo gaude", adierazi dute.

Demikuk 31 lagunez osatutako tripulazioa du, eta dagoeneko beste zonalde batera abiatu da arrantza egitera.