12 urte eta erdiko zigorra ezarri diote emakume bat Villabonan hil zuen kamioilariari

2015eko abuztuan, Villabonan (Gipuzkoa), emakume bat hil zuen kamioilariari 12 urte eta erdiko espetxe-zigorra ezarri diote gaur, iturri juridikoek jakitera eman dutenez. Biktimaren autoa aurretik eraman zuen, ia 9,5 kilometro kontrako noranzkoan gidatu ondoren. Bide-segurtasunaren aurkako delitu bat eta hilketa leporatu diote.

Horrela, fiskalaren eta akusazio partikularraren tesi nagusia onartu du auzitegiak epaian. Gertakariak dolozko delitu bat izan zirela defendatu zuten fiskalak eta biktimaren familiak. Defentsak, aldiz, zuhurtziagabekeri larriagatik homizidio zigorra eskatu zuen.

Gertakariak 2015eko abuztuaren 3an, gauean, jazo ziren. Edari alkoholdunak hartu ondoren kamioia kontrako noranzkoan gidatu zuen auzipetu portugaldarrak, hildakoaren autoaren aurka talka egin zuen arte.

Epaiketa Gipuzkoako Lurralde-auzitegian

Epaiketa Gipuzkoako Lurralde-auzitegian egin zuten, iragan azaroan. Fiskaltzak 12 urte eta erdiko kartzela-zigorra eskatu zuen homizidio, alkoholdun edarien eraginaren menpe eta gainerakoen bizitza mespretxatuz gidatzegatik, mozkor arigarri sinplearekin.

Bestalde, akusazio partikularrak 15 urteko espetxe-zigorra eskatu zuen, eta defentsak lau urte.

Epaiketan, akusatuak alkoholaren eta botiken arteko nahasketari egotzi zion istripua. Ezbeharra garagardo bat, ardo botila bat eta bi tragoxka whisky hartu ondoren gertatu zela zehaztu zuen.

Akusatuak gogoratu ezin izan zuen guztia gainerako lekukoek kontatu zuten epaiketan, besteak beste, N-1 errepidera kontrako noranzkoan sartzen ikusi zuten hornitegiko kutxazainean zeuden pertsonak, gertakariak ikertu zituzten ertzainek eta bidean aurkitu zituen gidari “urduriek”.