78 urteko emakume bat hil da Trapagaranen, etxebizitza batean izandako sutean

78 urteko emakume bat hil da Trapagarango etxebizitza batean piztutako sutean, Eusko Jaurlaritzako Segurtasun Sailak adierazi duenez.

Sua 07:30ean piztu da Maiatzaren Lehena kaleko etxebizitza batean. Lehen hipotesien arabera, manta elektriko batek eragin du sutea.

Hainbat bizilagunek larrialdi zerbitzuetara deitu dute, etxebizitza batetik kea ateratzen ari zela jakinarazteko.

Suhiltzaileek sua itzali dute eta Xabier Cuellar Tragagarango alkateak adierazi duenez, erakina jendez hustu behar izan dute.

Sua itzali eta emakumea aurkitu dutenerako hilik zegoen.