Gabonetan jostailuak erosteko kontuan hartzeko aholkuak eta gomendioak

Gabonak iristear direnez, opariak eta jostailuak erosteko garaia ere bada. Ez da batere lan erraza; izan ere, dendetan eskaintzak eta deskontuak baino ez dauden arren, aukera guztiak ez dira diruditen bezain onak.

Hala, Nafarroako Kontsumitzaileek Irache Elkarteak Gabonetako jolas-eskaintzaren inguruko ikerketa egin du. Besteak beste, honako hau ondorioztatu dute bildutako datuek: jolas bera % 19 garestiagoa izan daiteke, erosten dugun dendaren arabera.

Iruñeko eta Eskualdeko hainbat dendetako 100 jostailu baino gehiago aztertu ditu elkarte horrek, eta denden arteko prezioaren aldea % 37ra iritsi da zenbait kasutan.

Horren ondorioz, hainbat gomendio eskaini ditu elkarte horrek, Gabonetarako jostailu-erosketak arrakastatsuak izan daitezen:

-Gomendatutako adina begiratzea, jostailu hori haurrarentzako egokia den bermatzeko.

-Jostailu-katalogoak dakarren eskaintzen datari ongi erreparatzea.

-Komenigarria da dendara joatea jostailua bertatik bertara ikusi eta aztertzeko.

-Erosketa finantzatu aurretik, kontsumitzaileak ondo baino hobeto irakurri behar ditu baldintzak.

-Beherapenen letra txikiari so egin, batzutan ondorengo erosketetan aplikatzen diren beherapenak baitira. Zenbaitetan, doako opariren bat eskain dezakete.