Epaileak Oloteko geriatrikoko zaintzailea kartzelatu du

Epaitegietatik adierazi dutenez, Oloteko (Girona) 1 zenbakidun instrukzioko epaitegiak baldintzarik gabeko kartzela zigor komunikatua agindu du Joan V.C. herri horretako geriatrikoko langilearentzat, hiru hilketa egotzita.

Jagolea astelehenean atxilotu zuten, likido korrosiboa edan zuen 85 urteko emakume baten hilketa egotzita. Hala ere, atxiloketa horren osteko ikerketak erakutsi duenez, baliteke pertsona hori zentro horretan izandako beste heriotza batzuetan ere nahasita egotea.

Hiru bat orduz atxilotuari deklarazioa hartu eta Polizia autonomikoak aurkeztutako aztarnak ikusi eta gero, epaileak hiru hilketa egotzi dizkio Castellfollit de la Rocan (Girona) bizi den 45 urteko jagoleari. Halaber, astelehenean atxilotu eta gero Esquadra Mossoek irekitako ikerketak langilea gutxienez beste hilketa batean inplikatuta egon litekeela erakutsi du; Oloteko geriatrikoan zegoela urriaren 12an likido korrosiboa edanda hil zen 87 urteko emakumezko batena da.