Gizartea -
Madrilen
Collado Villalban harrapatutako emakumearen umetxoa 'oso larri' dago
Bere ama hil ostean haurtxoa premiazko zesarea baten bidez jaio zen igandean. Emakumea Camino de Molina kaleko 10 zenbakiaren parean harrapatu zuen auto batek.
Erredakzioa
Iragan igandean, Collado Villalban (Madril), harrapatu eta hil zen Marokoko emakumearen umetxoak bizirik jarraitzen du, gaur La Pazeko ospitaleak jakinarazi duenez. Arratsaldeko lehen orduan Abdeslam haurtxoaren osabak esan du umea hil egin dela, baina ospitaleak informazioa ezeztatu du. Hala ere, medikuen arabera, "oso oso larri" dago umea.
Emakumea hilik zegoela baieztatu eta gero, osasun zerbitzuek bertan zesarea bat egitea erabaki zuten haurtxoari bizia salbatzeko, izan ere, umetxoak bihotz eta arnas funtzioak geldituta zituen. Horregatik, intubatu eta Puerta del Hierroko ospitalera eraman zuen SUMMAk.
Aberriratzea
Gorpuen aberriratzea aztertzeko bilera izan dute goizean biktimen senideek eta Collado Villalbako epaileak, iturri juridikoek jakitera eman dutenez. Familiak adierazi duenez, bi gorpuak Marokora eramango dituzte.
Lekukoak eta emakumea harrapatu zuen gidaria deklaratzera deituko ditu epaileak astelehenean. Biktimaren emazteak auzian parte hartu nahi du eta epaileak eskaera hori onartzea posible da, iturri berdinek azaldu dutenez.
Bestalde, Auzitegiko Medikuntza Institutuko txostenaren zain dago magistratua, emakumearen heriotza argitzeko. Eguzkiak itsutu ostean gizonak emakumea harrapatu zuen, Poliziaren aurrean gidariak aitortu zuenez.
