Legebiltzarra, indarkeriaren biktimak diren emakumeen erreparazio-eskubidearen alde

Azaroaren 25ean, larunbatarekin, emakumeek jasandako indarkeriaren kontrako Nazioarteko Eguna izango da; horren ildotik, Eusko Legebiltzarrak konpromisoa hartu du agenda politikoan txertatzeko indarkeriaren biktimak diren emakumeen erreparazio-eskubidearen "hausnarketa eta onarpena". Konpromiso horren xedea da emakume horiek erabateko osatzea izatea, eta beroriek indarkeriarik gabeko bizitzaz gozatzeko eskubidea praktikan jarri ahal izatea.

Bakartxo Tejeria Legebiltzarreko presidenteak osteguneko saioaren amaieran irakurritako adierazpen instituzional batean, Ganberak berretsi du emakumeen aurkako indarkeria "estrukturala" dela, eta aldarrikatu du konpromisoa duela eraikitzeko indarkeria mota hori ez duen gizarte bat.

Halaber, nazioartean indarrean dagoen testuinguru juridikoarekin bat eginez, berretsi du lotura dagoela generoak sortutako bereizketaren eta emakumeen aurkako indarkeriaren artean.

Esku-hartze eremu guztietan, ekintzak

Emakumeen aurkako indarkeriaren biktimei eta horretatik bizirik irten direnei laguntza-zerbitzuak bermatzeaz gain, Legebiltzarrak adierazi du beharrezkoa dela abiatzea ekintzak esku-hartze eremu guztietan, alegia, Prebentzioan, Detekzioan, Arretan, Babesean, Koordinazioan, Justizian eta Erreparazioan.

"Emakumeen aurkako indarkeriarik ez duen eta berdintasunezkoa den gizarte bat eraikitzeko gure konpromiso instituzionalaren testuinguruan, gure gain hartu behar dugu erronka txertatzeko biktimen erreparazio-eskubidea, emakumeen kontrako indarkeriari aurre egitea xede", adierazi du.

"Emakumeen aurkako indarkeriarik ez duen eta berdintasunezkoa den gizarte bat eraikitzeko gure konpromiso instituzionalaren testuinguruan, gure gain hartu behar dugu erronka txertatzeko biktimen erreparazio-eskubidea, emakumeen kontrako indarkeriari aurre egitea xede", adierazi du.

Horretarako, beharrezkotzat jo du erabiltzea baliabide guzti-guztiak, asmoa izanik "agerian uztea indarkeriaren eragin eta isla guztiak, jendaurrean hari zilegitasuna kentzeko". "Hitza eta protagonismoa eman behar zaizkie indarkeria matxistaren biktimei eta biktima horiek biltzen dituzten taldeei, erreparaziorako bideak proposatzeko duten zilegitasuna aitortzen".

Indar politiko eta erakunde guztiekin adostutakoaren bidez, Ganberak nabarmendu du ardura hartzen duela baliatzeko baliabideak gure gizartean emakumeen aurkako indarkeria guztiz desagertzeko bidean aurrera egiteko.