Gizartea -
Emakumeen aurkako indarkeria
Emakume batek sexu-abusuak jasan ditu Donostian
Gizonezko batek emakumezkoari sexu-ukituak egin dizkio, eta horrek aurre egin dionean, ustezko erasotzaileak kolpatu du. Udaltzaingoak atxilotu egin du.
AGENTZIAK | ERREDAKZIOA
Donostiako Udaltzaingoak gazte bat atxilotu du larunbat honetan gazte bati sexu-abusuak eta eraso fisikoa egitea leporatuta. Udaltzaingoak jakinarazi duenez, gertaera 07:00ak aldera jazo da, Egia auzoko taberna batean.
Gizonezkoak emakumezkoari sexu-ukituak egin dizkio, eta horrek aurre egin dionean, ustezko erasotzaileak biktima kolpatu du. Porrontxoak herriko jaiak ospatzen ari dira egunotan Egia auzoan.
Erasoaren berri izan ostean, Udaltzaingoak bilaketa-operatiboa abiatu du, eta handik gutxira ustezko erasotzailea atxilotu dute Mundaizeko zonaldean.
--------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
