Gizartea -
Nafarroa
Faltzesko herrigunetik gertu piztutako baso-sutea, kontrolatuta
Ez dute herritarrik etxetik atera behar izan. Suhiltzaileek lanean jarraitu dute goizean.
AGENTZIAK | ERREDAKZIOA
Baso-sute bat piztu zen atzo, asteazkena, Faltzes herrian (Nafarroa), "El Chorron" inguruan, herrigunetik gertu, Udaltzaingoak jakinarazi zuenez, baina dagoeneko kontrolatuta dute.
Bi helikoptero eta hegazkin bat aritu dira sutea itzaltzeko lanetan. Sua 20:10ean piztu zen, eta Foruzaingoa eta Guardia Zibila berehala bertaratu ziren.
Horren berri jaso bezain pronto, Azkoien, Tafalla, Lodosa eta Cordovillako suhiltzaileak ere bertaratu ziren, baita basozainak ere.
Gaur goizean, Azkoien, Tafalla eta Lodosako suhiltzaileak sua berriz ez pizteko lanetan ari dira.