Gizartea -
Easo plazan
Zubietako erraustegiaren kontrako gose greba hasi dute Donostian
"Inposaketa" bat dela salatu nahi dute astebeteko baraualdiarekin. Easo plazan egingo dute protesta, eta egunero hitzaldiak eta dokumentalak eskainiko dituzte gaiaz informazioa emateko.
eitb.eus
Zubietako erraustegia "inposatu" egin nahi dutela salatzeko, gose greba hasi dute Erraustegiaren aurkako Mugimenduko hainbat kidek Donostiako Easo plazan.
Zazpi eguneko protesta izango dela aurreikusi dute, gaur 19:00etatik hasita.
Egunero ekitaldiak antolatu dituzte baraualdia egingo den lekuan , gizarteari informazioa emateko. Arratsaldero hitzaldi eta dokumentalak eskainiko dituzte, tartean Jose Luis Paulin medikuarena.
Politikariekin ez daudela ados adierazi nahi dute, eta bereziki gizarteari helarazi proiektu hau "kaltegarria" dela, Kepa Olaiz mugimenduko kidearen esanetan.
