Gazte batek eraso homofoa jasan du Iruñean

Gazte batek eraso homofoboa jasan du asteburuan Iruñean, Udaltzaingoak aditzera eman duenez.

Gertakaria ostiral gauean jazo zen Abejeras kalean. Bi pertsonak beste bati eraso egin zioten eta arin zauritu zuten.

Udaltzaingoaren ikerketa-taldea arduratu da erasotzaileak lokalizatu eta identifikatzeaz. Gorroto delitua egotzi diezaiekete.

Halaber, hiru pertsona atxilotu dituzte, familiartean tratu txarrak eman eta urruntzeko kautelazko agindua urratzeagatik, Udaltzaingoak nabarmendu duenez.

Horrez gain, agenteek Jarauta kalean izandako borroka baten berri eman dute. Arma zuri bat atzemateaz gain, harrera-zentro batetik alde eginda zeuden bi adin txikiko lokalizatu zituzten.