Euskal herritar bat, emakume berritzaileentzako sariaren finalean

Buruko gaixotasunak sendatzeko neurozientzia eta errealitate birtuala batzen dituen Nesplora enpresaren Donostiako fundatzaileetako bat, Gema Climent euskalduna, Europar Batasunaren emakume berritzaileentzako sariaren hamabi finalisten artean dago. Europako Batzarrak gaur jakinarazi duenez, saria hurrengo martxoaren 8an emango da, Emakumearen Nazioarteko Eguna dela eta.

Aditu independenteak, enpresa mundukoak, akademikoak eta arrisku-kapitalekoak osatzen dute epaimahaia. Europar Batasunetik  eta Horizonte 2020 osatzen duten herrialdeetatik heldu ziren 47 hautagaien artean aukeratu dituzte finalistak. Azken programa honek, Europar Batasuneko ikerketa eta berrikuntzarako finantzazio programak, eman du sariaren dirua.

"Hamabi finalistak talentua duten berritzaileak dira guztiak, eta hormak nola gainditu, arriskuei aurre egin eta arrakasta izateko istorio interesgarriak dituzte atzetik. Horien istorioak beste emakume eta gizonezkoak berritzaile izateko oinarri izan daitezke", esan du Carlos Moedasek, Zientzia eta Berrikuntza saileko komisarioak.

Hiru irabazleak 100.000, 50.000 eta 30.000 euroko sariak jasoko dituzte eskudirutan.