Gizartea -
Autobus transfobikoa
HazteOirren busa geldiaraz dezaketen aztertzen ari dira Gasteizen
Autobus transfobikoak martxoaren 11n eta 12an pasatu asmo du Arabako hiriburutik.
AGENTZIAK | ERREDAKZIOA
Gorka Urtaran Gasteizko alkateak adierazi du HazteOir plataformaren autobus transfobikoa galarazi dezaketen aztartzen ari direla, ez baitator bat "sexu aukera guztiekin tolerantea den hiri batekin".
Agiri batean, alkateak “arbuio sakona” adierazi du kanpaina horren aurrean, eta nabarmendu du Gasteizek defendatu egiten dituela eskubide sexualak eta sexu bazterkeriaren aurka borroka egiteko NBEk onartutako ebazpena.
Urtaranek gogorarazi duenez, urtarrilaren 13ean Udaleko talde guztiek adierazpen instituzional bat adostu zuten, genero nortasun guztiei errespetua agertzeko.
