Gizartea -
GI-41 errepidean
Bi pertsona zauritu dira Astigarragan, trafiko-istripu batean
16:45ean, izan da trafiko-istripua, GI-41 errepidean. Auto-ilarak egon dira eta zirkulazioa mantsoa izan da.
Agentziak | Erredakzioa
Bi pertsona zauritu dira Astigarragan (Gipuzkoa), GI-41 errepidean izan den trafiko-istripuan. Eusko Jaurlaritzako Segurtasun Sailak ohar baten bidez jakinarazi duenez, pertsona bat larri zauritu da.
Ostegun honetan, 16:45ean, izan da trafiko-istripua. Furgoneta bateko gidaria ibilgailutik irten denean, Volkwagen Golf batek harrapatu du, A-15 errepide-irteeran, Donostiarako noranzkoan.
Segurtasun Sailak jakinarazi duenez, bi zaurituak anbulantzian eraman dituzte ospitalera.
GI-41 errepidean izandako trafiko-istripuaren ondorioz, auto-ilarak egon dira eta zirkulazioa mantsoa izan da.