Gizartea -
'Game of Thrones'
'Game of Thrones'en Zumaiako muntaia bisitatu ahal izango da igandean
'Atrezo' guztia astelehenean kenduko dute; beraz, igandea aukera paregabea izango dute zaleek muntaia osoa bisitatzeko.
AGENTZIAK | ERREDAKZIOA
"Game of Thrones" telesaileko zaleek Zumaiako (Gipuzkoa) Itzurun hondartzan jarritako 'atrezo'a bisitatu ahalko dute igandean. Bertan, zazpigarren denboraldirako eszenak filmatzen izan dira astelehenetik.
Zumaiako Udalak azaldu duenez, igandean hondartzarako sarbidea irekiko dute, eta, ondorioz, muntaia osoa bisitatu ahalko da, astelehenean kendu baino lehen.
Egun horretan, hondartzak ohiko itxura berreskuratuko du.
"Game of Thrones"eko lantaldea astelehenean iritsi zen Zumaiara. Besteak beste, Daenerys Targaryen, Jon Snow, Tyrion Lannister, Sir Davos Seaworth, Lord Varys eta Theon Greyjoy pertsonaiak izan dira bertan, grabatzen.
