Gizartea -
Indarkeria matxista
Emakume bati mehatxu eta eraso egin dio bikotekide ohiak Gasteizen
Emakumeak jarritako salaketaren arabera, bikotekide ohiak lantokitik etxeraino jarraitu zuen eta, bertan zeudela, mehatxu eta eraso egin zion.
Agentziak | Erredakzioa
Gasteizko Udaltzaingoak 47 urteko gizon bat atxilotu du emazte ohiari mehatxu eta eraso egitea leporatuta. Gasteizko Udalak ohar baten bidez jakitera eman duenez, emakumeak salaketa bat jarri du, bikotekide ohiak lantokitik etxeraino jarraitu baitzuen. Bertan, mehatxu eta eraso egin zion.
Gasteizko Udaltzaingoak gertatutakoaren berri eman dio epaileari, Gasteizko Udalak jakinarazi duenez.
Emakumeak jarritako salaketaren arabera, bikotekide ohiak lantokitik etxeraino jarraitu zuen eta, bertan zeudela, mehatxu eta eraso egin zion.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
