Bi lagun zauritu dira Eibarren, kutxatila batean leherketa izan ostean

Bi pertsona zauritu dira Eibarren (Gipuzkoa), Errabal kaleko kutxatila batek eztanda egin ostean.

Astelehen honetan, urriak 10, 19:30ak aldera izan da eztanda Errabal kaleko Iberdrolaren kutxatila batean. Antza denez, su hartu du eta tentsio baxuko linea batzuk kaltetu ditu. Eztanda horren ondorioz, bizilagunak argindarrik gabe geratu dira.

Bi zaurituak Mendaro Ospitalera eraman dituzte, baina ez omen daude larri.