Emakume bati sexu-erasoa egin diote Lezon

Emakume bati sexu-erasoa egin diote bart Lezon, eta Ertzaintzak 36 urteko gizonezko bat atxilotu du horrekin lotuta, Eusko Jaurlaritzako Segurtasun Sailak jakinarazi duenez.

01:30 aldera, emakume batek 112 larrialdietarako telefonora deitu du, Lezon sexu-erasoa egin diotela esanez. Auto baten barruan gertatu omen da.

Emakumeak jarritako salaketaren arabera, sexu-erasoa egin ostean, Errenterian utzi du erasotzaileak.

Ertzaintzak ibilgailua identifikatu ostean, ustezko erasotzailea atxilotu du, 06:30ean, A-1 errepidean, Gasteiz inguruan.