Gizartea -
Telebista
Barrikan ere filmatuko dute 'Game Of Thrones'
Muriola hondartzan egingo dute grabazioa. Filmatze taldeek hiru hilabete emango dituzte Bizkaian.
AGENTZIAK | ERREDAKZIOA
'Game of Thrones' telesail arrakastatsua Barrikara (Bizkaia) ere ailegatuko da, Muriola hondartzan hainbat eszena filmatuko baitituzte.
Bilboko Udalak eta Bizkaiko Aldundiak "poza" agertu dute, HBO telebista-kate estatubatuarrak Bizkaiaren alde egin duelako. "Erabakia abala da Bilbao Bizkaia Film Commission erakundearen lanarentzat", nabarmendu dute.
Grabazioak direla eta, filmatze taldeek eta teknikoek hiru hilabete emango dituzte Bizkaian.
Telesailaren zazpigarren denboraldia Bermeon eta Zumaian ere filmatuko dute, eta, seigarrenean, Bardean ere egin zuten.
