Gizartea -
Emakumeen aurkako indarkeria
Durangon izandako sexu erasoaren ustezko egilea atxilotu dute
Ertzaintzak igandean atxilotu zuen 24 urteko gizonezkoa, eta goizean igaro da epailearen aurretik.
AGENTZIAK | ERREDAKZIOA
Ertzaintzak abuztuaren 21ean Durangon izandako sexu-erasoaren ustezko egilea atxilotu zuen atzo Durangon, Eusko Jaurlaritzako Segurtasun Sailak ohar bidez jakinarazi duenez.
Erasoa abuztuaren 21ean izan zen Durangoko tren-geltokiaren inguruetan. Emakumeak bere burua defendatzea lortu zuen, eta, ondoren, salaketa aurkeztu zuen. Salaketa horren aurrean, Ertzaintzak ikerketa abiatu zuen, eta ustezko erasotzailea identifikatu ostean, atzo bertan atxilotu zuten.
24 urteko gizonezkoa gaur goizean igaro da epailearen aurretik.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan). Doakoak dira, eta ez dute arrastorik uzten fakturan.
