Mugikorren bidez informazioa emango du Bermeoko Udalak

Udalerriaren informazioa eta Ibilaldia bezalako ekitaldien xehetasunak telefono mugikorren bidez igorriko du Bermeoko Udalak (Bizkaia). Sistema berria asteburu honetan jarriko dute martxan, Bizkaiko ikastolen jaiarekin bat eginez.

Horrela, nahi dutenek udal gida kontsultatu ahal izango dute telefonoetan. Oinarrizko informazioa izango da eta eguneratu egingo dute. Besteak beste, zaintzako botikak eta kirol zein kultura egutegiaren berri izango dute erabiltzaileek.

Ibilaldiaren berri izango dute nahi dutenek ''bluetooth'' bidez, eta jaiaren abestia telefonoan entzun ahal izango dute.

Informazioa deskargatzeko erabiltzaileek ''bluetooth''a martxan jarri beharko dute Bermeoko liburutegiaren eta Turismo Bulegoaren artean.