Gizartea -
Indarkeria matxista
Gizon batek emaztea hil du Tenerifen
Poliziari deitu zion gizasemeak emakumea itota hil zuela esateko. Tratu txarren kontrako telefonoa: 016.
AGentziak | Erredakzioa
70 urte inguruko gizon batek 51 urteko emaztea hil du bart Santa Cruzen (Tenerifekoa, Kanariak), Espainiako Poliziak jakinarazi duenez. Gizona atxilotu dute.
Hilketa goizaldean jazo da Santa Cruzeko Jorge Luis de Miranda kaleko etxebizitza batean, iturrion arabera.
Enrique Hernandez Bento Espainiako Gobernuak Kanarietan duen ordezkariak esan duenez, gizonak Poliziari deitu zion emakumea itota hil zuela aitortzeko. Emakumearen hilotza bikotearen etxean topatu dute.
-----------------------------------------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
