Gizartea -
Mugitegi industrialdea
Suhiltzaile bat arin zauritu da sute batean, Urretxun
Zauritua bertan artatu dute. Honenbestez, suhiltzailea ez dute ospitalera eraman behar izan. Sugarrek kamioi bat, auto bat eta hiru motor kiskali dituzte.
E. Lotina | eitb.eus
Suhiltzaile bat arin zauritu da sute batean, Urretxun (Gipuzkoa), baina bertan artatu dute. Honenbestez, zauritua ez dute ospitalera eraman behar izan.
Sua 00:20 aldera hasi da Mugitegi industrialdean. Antza denez, ibilgailuen salerosketan aritzen den enpresa batean kalteak egin ditu suteak, Segurtasun Saileko iturriek eitb.eus-i baieztatu diotenez.
Enpresa Ipeñarrieta kalean dago. Suak kalte materialak utzi ditu. Konkretuki, kamioi bat, auto bat eta hiru motor kiskali ditu.
Gipuzkoako Foru Aldundiko suhiltzaileek sua ordu erdian itzali dute. Zaurituak eskuan ebaki bat egin du.
Sua zergatik piztu den zehatz ez dakite oraindik, baina ustekabekoa izan dela ematen du, aipatutako iturriek azaldu dutenez.